GALEGO
Nos lugares onde a solemnidade da Epifanía se traslada ao domingo, e este domingo cae nos días 7 ou 8 de xaneiro e, polo tanto, a festa do Bautismo do Señor trasládase ao luns inmediato, lese unha soa lectura antes do Evanxeo.
Primeira Lectura Is 42, 1-4. 6-7
Velaquí o meu servo en quen eu me comprazo
LECTURA DO LIBRO DO PROFETA ISAÍAS
Isto di o Señor:
Velaí o meu servo, a quen teño collido da man;
velaí o meu escollido no que eu me comprazo.
Teño posto sobre el o meu espírito,
ditaralles sentenza xusta ás nacións.
Non berrará,
non levantará a súa voz nin a fará oír nas rúas.
Canivela fendida non a romperá,
e torcida esmorecente non a apagará.
Con fidelidade proclamará a xustiza,
non desfalecerá nin crebará
ata establecer na terra a xustiza,
e a súa Lei, que esperan as nacións.
Eu, o Señor, chameite por causa da xustiza, collinte pola man e protexinte,
e convertinte en Alianza dun pobo e en luz das nacións,
para que lles abras os ollos aos cegos, para que libres do cárcere os presos,
da prisión os que viven na escuridade.
Palabra do Señor R.: Grazas a Deus
SALMO RESPONSORIALSal 28, 1a e 2. 3ac-4. 3b e 9b-10
R.: (11b) O Señor ha bendicir o seu pobo coa paz.
Tributádelle ao Señor, fillos de Deus,
tributádelle ao Señor gloria do seu nome,
adorade o Señor no seu atrio sagrado.
A voz do Señor sobre as augas,
o Señor sobre as augas copiosas.
A voz do Señor é poderosa,
a voz do Señor é maxestosa.
O Deus glorioso fai tronar.
No seu santuario todo di: Gloria!
O Señor sentou sobre as augas,
o Señor senta como rei eterno.
Segunda Lectura Feit 10, 34-38
Unxiuno Deus co Espírito Santo
LECTURA DO LIBRO DOS FEITOS DOS APÓSTOLOS
Naqueles días, tomou Pedro a palabra e dixo:
— Abofé, vexo que Deus non fai distinción de persoas, senón que acepta a quen lle é fiel e practica a xustiza, sexa da nación que sexa.
El mandoulles a súa palabra aos fillos de Israel, anunciándolles a Boa Nova da paz por Xesús Cristo: este é o Señor de todos.
Vós sabedes o que pasou en toda a Xudea, comezando desde Galilea, despois do bautismo que Xoán predicou: como Deus unxiu con Espírito Santo e con poder a Xesús de Nazaré, que pasou facendo o ben e curando a todos osque estaban asoballados por Satán; pois Deus estaba con el.
Palabra do Señor R.: Grazas a Deus
ALELUIA Cf. Mc 9, 6
Se non se canta, pódese omitir
Aleluia, aleluia.
Abríronse os ceos e tronou a voz do Pai:
Este é o meu Fillo predilecto, escoitádeo.
Aleluia.
Evanxeo: Mc 1, 7-11
Ti es o meu Fillo amado, en ti me comprazo
LECTURA DO SANTO EVANXEO SEGUNDO MARCOS
Naquel tempo, Xoán proclamaba:
— Detrás miña está a chegar o que é máis forte ca min, perante quen non son digno de prostrarme para lle desatar os amallós do seu calzado. Eu bauticeivos con auga, pero el havos bautizar no Espírito Santo.
E aconteceu por aqueles días que chegou Xesús desde Nazaré de Galilea, e Xoán bautizouno no Xordán.
E,deseguida, mentres saía da auga, viu abrirse o ceo e baixar sobre el, coma unha pomba, o Espírito Santo. E unha voz deixouse oír desde o ceo:
— Ti es o meu fillo benquerido, o meu predilecto.
Palabra do Señor R.: Loámoste, Cristo
AD LIBITUM, PARA O ANO B
Primeira Lectura Is 55, 1-11
Vinde ás augas, escoitade, para que teñades vida
LECTURA DO LIBRO DO PROFETA ISAÍAS
Isto di o Señor:
Oh, sedentos todos, vinde por auga!
Os que non tedes prata, vinde,
comprade comida e comede,
vinde e comprade comida;
sen prata e sen diñeiro comprade viño e leite.
Porque cambiades prata polo que non é pan
e o voso xornal polo que non farta.
Escoitádeme ben:
comede ben e que a vosa gorxa se alegre coa graxa.
Baixade o oído e vinde onda min,
facédeme caso e revivirán as vosas ilusións,
pois pactarei convosco unha alianza eterna,
os beneficios de David que se manteñen firmes.
Velaí, fareino pregoeiro das nacións,
príncipe e lexislador das nacións.
Convocarás un pobo que non coñeces,
e un pobo que non te coñece correrá onda ti,
polo Señor, teu Deus, e polo santo de Israel,
que tanto te glorificou!
Buscade o Señor mentres se deixa atopar,
invocádeo mentres está cerca.
Que o malvado deixe o seu vieiro,
e que o home pecador deixe os seus planos,
que se volva ao Señor para que teña misericordia del,
que se volva ao noso Deus
que tanto engrandece ao perdoar!
Pois si, os meus planos non son os vosos planos,
nin os vosos vieiros son os meus vieiros
—é o Señor quen fala—.
Canto máis altos son os ceos que a terra!
Así son máis altos os meus plans ca os vosos plans,
e os meus vieiros ca os vosos vieiros.
Velaquí, como a chuvia e a neve baixan do ceo
e non volven aló sen enchoupar a terra,
fecundala e facela brotar,
para que lle dea semente ao que sementou
e pan ao que come,
así tamén será a miña palabra que sae da miña boca,
non volverá a min en van,
senón que fará o que eu queira,
e conseguirá aquilo para o que a mandei.
Palabra do Señor R.: Grazas a Deus
SALMO RESPONSORIAL Is 12, 2-3. 4bcd. 5-6
R.: (3)Sacaredes auga con gozo das fontes de salvación.
Deus é a miña salvación,
procederei confiadamente e non terei medo.
A miña forza e o meu cántico é o Señor,
el é a miña salvación.
Sacaredes auga con gozo das fontes de salvación.
Dádelle grazas ao Señor e invocade o seu nome.
Pregoade entre os pobos os seus feitos,
proclamade que o seu nome é grande.
Cantádelle ao Señor,
que fixo cousas magníficas,
anunciádeas en toda a terra.
Clamade con gozo e ledicia, habitantes de Sión:
Que grande é no medio de ti o Santo de Israel.
Segunda Lectura 1 Xn 5, 1-9
O Espírito e a auga e o sangue
LECTURA DA PRIMEIRA CARTA DE SAN XOÁN
Meus amigos:
Todos cantos cren que Xesús é o Mesías naceron de Deus, e quen ama ao que xera ama tamén a quen aquel xerou. Sabemos que amamos os fillos de Deus se amamos a Deus e cumprimos cos seus mandamentos.
Porque o amor a Deus consiste en cumprir cos seus mandamentos. Os mandamentos de Deus non son pesados, porque nacer de Deus permítenos vencer o mundo. E esta é a vitoria que derrota o mundo: a nosa fe.
Porque quen é o que derrota o mundo, senón o que cre que Xesús é o Fillo de Deus?
O que veu con auga e sangue foi el, Xesús Cristo; non veu con auga só, senón con auga e con sangue. E o Espírito é quen dá testemuño, xa que o Espírito é a Verdade.
Porque tres son os que dan testemuño: o Espírito, a auga e mais o sangue; e os tres testemuñan no mesmo sentido. Se nós aceptamos o testemuño dos homes, maior razón ten o testemuño de Deus. E este é o testemuño de Deus, o que El nos ten dado acerca do seu Fillo.
Palabra do Señor R.: Grazas a Deus
ALELUIA Cf. Xn 1, 29
Se non se canta, pódese omitir
Aleluia, aleluia.
Viu Xoán a Xesús que viña onda el e dixo:
Velaquí o Año de Deus que quita o pecado do mundo.
Aleluia.
Evanxeo Mc 1, 7-11
Ti es o meu Fillo amado, en ti me comprazo
LECTURA DO SANTO EVANXEO SEGUNDO MARCOS
Naquel tempo, Xoán proclamaba:
‑ Detrás miña está a chegar o que é máis forte ca min, perante quen non son digno de prostrarme para lle desatar os amallós do seu calzado. Eu bauticeivos con auga, pero el havos bautizar no Espírito Santo.
E aconteceu por aqueles días que chegou Xesús desde Nazaré de Galilea, e Xoán bautizouno no Xordán.
E de seguida, mentres saía da auga, viu abrirse o ceo e baixar sobre el, coma unha pomba, o Espírito Santo. E unha voz deixouse oír desde o ceo:
‑ Ti es o meu fillo benquerido, o meu predilecto.
Palabra do Señor R.: Loámoste, Cristo
O domingo despois da festa do Bautismo do Señor comezan as lecturas dos domingos do tempo ordinario.
CASTELLANO
Primera lectura
Lectura del libro de Isaías (42,1-4.6-7):
Así dice el Señor: «Mirad a mi siervo, a quien sostengo; mi elegido, a quien prefiero. Sobre él he puesto mi espíritu, para que traiga el derecho a las naciones. No gritará, no clamará, no voceará por las calles. La caña cascada no la quebrará, el pábilo vacilante no lo apagará. Promoverá fielmente el derecho, no vacilará ni se quebrará, hasta implantar el derecho en la tierra, y sus leyes que esperan las islas. Yo, el Señor, te he llamado con justicia, te he cogido de la mano, te he formado, y te he hecho alianza de un pueblo, luz de las naciones. Para que abras los ojos de los ciegos, saques a los cautivos de la prisión, y de la mazmorra a los que habitan las tinieblas.»
Palabra de Dios
Salmo
Sal 28,1a.2.3ac-4.3b.9b-10
R/. El Señor bendice a su pueblo con la paz
Hijos de Dios, aclamad al Señor,
aclamad la gloria del nombre del Señor,
postraos ante el Señor en el atrio sagrado. R/.
La voz del Señor sobre las aguas,
el Señor sobre las aguas torrenciales.
La voz del Señor es potente,
la voz del Señor es magnífica. R/.
El Dios de la gloria ha tronado.
En su templo un grito unánime: «¡Gloria!»
El Señor se sienta por encima del aguacero,
el Señor se sienta como rey eterno. R/.
Segunda lectura
Lectura del libro de los Hechos de los Apóstoles (10,34-38):
En aquellos días, Pedro tomó la palabra y dijo: «Está claro que Dios no hace distinciones; acepta al que lo teme y practica la justicia, sea de la nación que sea. Envió su palabra a los israelitas, anunciando la paz que traería Jesucristo, el Señor de todos. Conocéis lo que sucedió en el país de los judíos, cuando Juan predicaba el bautismo, aunque la cosa empezó en Galilea. Me refiero a Jesús de Nazaret, ungido por Dios con la fuerza del Espíritu Santo, que pasó haciendo el bien y curando a los oprimidos por el diablo, porque Dios estaba con él.»
Palabra de Dios
Evangelio del domingo
Lectura del santo evangelio según san Marcos (1,7-11):
En aquel tiempo, proclamaba Juan: «Detrás de mí viene el que puede más que yo, y yo no merezco agacharme para desatarle las sandalias. Yo os he bautizado con agua, pero él os bautizará con Espíritu Santo.»
Por entonces llegó Jesús desde Nazaret de Galilea a que Juan lo bautizara en el Jordán. Apenas salió del agua, vio rasgarse el cielo y al Espíritu bajar hacia él como una paloma.
Se oyó una voz del cielo: «Tú eres mi Hijo amado, mi predilecto.»
Palabra del Señor